好緊張...好緊張呀!

Ja媽好緊張呀!

我未返屋企,已經四處張羅所有日用品比我喇...床, 籠, 沐浴露, 水兜, 食物兜, 零食(大量)

, 玩具 (大量), 被, 厠所, 尿片....好多, 好多! 令我今個星期六返到總宅可以有一個五星級的家... 好緊張, 好開心, 好期待呀!!!

多謝媽媽!

JaJa 係咪真係打咗晶片?

JaJa 今日打咗晶片, pet shop 姐姐話佢打完返籠就扎扎跳, 無事發生咁! 反而佢鄰居妹妹細佢少少, 打完都呆呆地半日. JaJa好叻仔呀! 等我地仲擔心佢會好痛tim!

今晚同姐姐傾左陣, 佢話JaJa好aggressive又寸, 知你唔理佢, 佢都會寸寸貢咁唔理你黎回敬你姐姐仲話等佢大個要帶佢多d去街行下跑下, 等佢發育得好d. 當然, 佢一去得街玩, 我地實晚晚同佢去跑呀!

 

 

 

JaJa兒童節返屋企啦!

JaJa鐵定4月4日兒童節返屋企, 期待ing

不過家陣有d worry係佢星期一要打晶片呀! 佢咁細, 但係pet shop賣佢之前一定要打晶片, 真係好痛嘛!

無得揀唯有信佢同間vet啦! 星期一晚無論如何要放工去探佢呀!

JaJa又大咗d, 而家佢一見我地去就嘈, 要我地 (應該係我老公) 抱. 但係又好想落地玩, 不過老公叫佢 no 同埋叫佢唔准咬, 佢又好似識聽喎!

(只有我老公抱佢先影到相呀!)

DIY 走廊閘

其實我想買IRIS門欄, 但係又好似好大陣仗, 同Max Mom傾過, 參考過佢個方法, 於是試下去10蚊店買野DIY, 又好似OK喎! 一邊用電視櫃邊頂住, 一邊會用個好重的雜誌袋頂, 應該無問題. 仲可以收埋放便出入呢! 哩個組合只不過係$100.

爸爸打我呀!

我一見到爸爸就好開心, 一定叫佢同埋要佢抱抱, 至於嗰個聲稱係媽媽的, 我唔係太認得呀! 所以佢一抱我, 我就郁身郁勢, 我剩係會安安定定比爸爸抱, hehe.....

我真係好想落地玩呀! 一見個地, 我就好想落去行下跑下呀!

唔知係咪我扭計, 爸爸打咗我pat pat一下呀! 媽媽知道咗, 不停鬧爸爸呀! 佢話我仲細, 日日響籠度, 佢探我嗰一陣, 我緊係想玩啦! 如果大力咗有乜事咁點算喎! 爸爸聽完好後悔呀!

多謝 Max 媽

今日 Max 媽媽送咗張好靚的地毯比我 for 新居入伙呀! 好靚呀! 多謝呀! 唔該同 Max 講, 叫佢等我, 我要做佢條o靚出黎行呀!

爸爸媽媽嚟探我呀!

今日爸爸媽媽嚟探我呀! 佢地話我大個咗, 又貪玩, 仲好大聲 tim!

繼續掏野比JaJa

馮太今晚又掏野比JaJa, d 梳10零蚊把, 唔理有冇用, 買咗先

 

哩個袋我響Q Pet見到成四舊幾呀! 如果一模一樣, 佢真係食水深呀! 掏寶連運費100咋!

 

掏寶比JaJa

自從買咗JaJa, 馮太哩兩日都周圍行吓街搵野買比JaJa. 上網shopping發現真係抵, 當然shop買有一定保證, 但係有邊個又可以保證shop賣的唔係掏寶貨? 家陣有幾多野唔係made in china? 當然外敷內服就唔好啦! 哩d要買得安心, 用得安心架!馮太一向掏開寶, 當然要掏比JaJa啦! 今次埋單四件貨只係兩舊零

JaJa 袋, 真身好靚, 我見過shop有呀! 成兩舊幾呀!

JaJa繩, 希望佢可以快d用到啦!

 

 

JaJa鴨仔床, 雖然質地唔多好同埋唔知幾時用, 不過好得意, 放住響公司有用先的返屋企.

 

JaJa 摺疊碗, 好似大得劑, 都唔知有冇用

 

我終於真正成為BB Main House 嘅一份子喇!!!

今日下晝馮生同馮太又嚟睇我, 佢哋見到我好開心. 不過我啱啱打完第一針有啲攰...亦都因為我打咗針, 馮生同馮太終於可以抱吓我喇......好溫暖呀.  我仲同佢哋喺地下玩咗一陣, 又同馮生影咗第一張合照, 我又終於有自已嘅第一張相喇..超開心.

 

最後, 佢哋決定我可以加入馮宅成為一份子. 不過因為我太細個同打完針, 要遲啲先可以接我返屋企(好似話要４月9號). 我唯有繼續住喺叔叔度先啦! 好彩爸爸同媽媽買咗兩個玩具陪我, 仲應承我會經常嚟探我, 同我玩. 我會好期待同佢哋一齊返屋企

Love at the first sight

馮生馮太星期日周圍去睇toy poodle, 因為約唔到去元朗睇, 唯有近近地東區地帶睇下. 去到北角和富道多多米, 有兩隻toy poodle BB, 好細隻好BB好得意呀! 一隻係男, 大隻d, 毛色係棕紅色, 一隻係女, 細隻d, 毛色係奶茶色. 隻仔仔真係好靚, 馮生對佢一見鍾情, 當時因為BB未打第一支針, 所以唔可以摸同抱, 唯有近觀. 今次馮生應該走唔甩啦!