打瘋狗針

今日完成埋2009 compulsory 打針行動

JaJa一入診所, 個身硬咗!

再上檯, 更硬! 打瘋狗針時, 出口, 大叫.........唯有用口罩........攪到 Dr. Chan 以為我地太鍚佢, 攪到佢嬌生慣養......其實佢響屋企出口, 我地係即時開拖......佢太自我保護, 少少事都發到大大咁! 睇黎又多一樣行為問題要請教呀! 我地都明白地位問題, 所以JaJa從來無得同我地同床瞓, 唔會抱住坐梳化, 佢上梳化我地都抱番佢落地. 佢做錯當然會鬧會罰, 不過佢好自由, 可以週屋走, 佢又無亂去廁所同亂咬野, 唔通咁都要放佢入籠咩! 佢見其他人同狗又好friendly咁喎! 不過開始大個, 性格出嚟啦! 每隻狗都有自己o既性格, 爸爸都成日學人話狗生得一個十年多少少, 當然要開開心心啦! 我地個底線真係好低, 最緊要大家happy嘛! 或者我地要再向其他方面埋手, 令佢唔好太自我個性同埋少d戒心啦!

完成打針當然係要問吓desex, Dr. Chan都好詳盡解釋狗仔同狗女點解要desex, 睇黎佢唔多主張狗仔要desex, 我地都要再search吓去邊度做好嘞!

落狗屎, 又去 Cafe 玩!

星期六不斷落雨, 攪到無得落街街爸爸媽媽唯有帶我去Cafe會狗友.

今次又去 Let's Dog, 因為book唔到第二度呀!

今次有Max大佬, Marble姐姐, 仲有新朋友Coffee哥哥呀! 我第一次見Coffee哥哥, 又走去冤佢囉! 佢好好呀! 佢無o胡我, 亦無打我, 佢真係好乖乖呀! 等我下次再見到佢繼續用我o既熱情融化佢先!

我今日真係極之曳曳呀! 我走去牧羊狗堆擒人地呀! 搞到爸爸媽媽打我罰我呀!  佢地話應該唔關大個仔事, 應該係狗界階級問題, 可能我覺得d牧羊狗好蝦呀! 佢地又無打番我, 我咪衰衰囉! 媽媽記住要問亞Sir哩個行為問題呀!

媽媽今日影d相毫無質素, 無Cafe相呀!

番到屋企, 因為我臨走個身揩到尿, 媽媽話我臭所以要洗白白呀! 洗完舒服晒!

我好攰, 要瞓吓先

 

第一次咬牛骨骨

本來我今晚有得出海釣墨魚同相睇架

個死浪卡好攪唔攪,

星期5下晝先黎打3號, 又落雨又剩,

攪到我無得出海之餘仲無得去街街行,

好唔開心呀!

好彩媽媽都有野compensate我,

佢去和興行買咗幾磅牛勒骨, $118咋! 

(但媽媽發現似牛仔骨多d, 事但啦!)

佢切切切, 一口肉粒係比佢同爸爸食,

骨骨就比我咬

我一次咬牛骨骨, 達至忘我境界

媽媽話我開始換牙仔, 要保養呀! 

佢又唔識幫我刷牙牙,

所以要開始比我咬生骨骨呀!

好呀! 餐餐都有丫! 唔該!

我最愛o既爸爸點會無份, 媽媽買埋西冷煎比佢嘆架!

Ja爸爸, 父親節快樂!

Ja爸爸, 父親節快樂呀!

我會繼續帶歡樂比你, 繼續鍚鍚你!

終於執到啦!

JaJa甩咗大大話話成10隻牙仔,

我地一隻都執唔到

今晚爸爸好醒目咁終於執到一隻啦!

好似執到寶咁, 兩公婆都痴痴地

巨形芒果~~~yummy~~~

巨形芒果, 切埋好大碟, 比晒我就好囉!

我ready啦!

唔該快d.....

我等唔切啦!

波係愛黎咬架!

媽媽, 哩支乜野黎架? 你唔係想打我卦, 我無做錯事喎!

點解有個波波? 未見過喎!

乜話? 你教我 putt 波? 乜野黎架?

咁高難度,啋你都傻!

波在我手, 支野我無興趣.

試吓味先, 好硬吓喎!

唔理硬波軟波, 咬得入口就係好波. 媽媽, 波係愛黎咬, 唔係 putt 架! 

JaJa 瘦身

覺唔覺我有乜唔同呢?

今日我去瘦身呀!

一身爽晒!  雖然我唔係去d乜野日本人高檔野, 不過姐姐手勢唔錯架!

橫睇惦睇, 我哩d唔叫肥吓話! 又摸到骨, 又有肉, 又有肌肉, 哩d叫健康呀!

媽媽下晝將我放響姐姐度, 放工先黎接我不過都有補償, 就係帶我去跑跑跑, 攪到我家陣有d攰tim!