諗吓JaJa下次上堂要學D乜先!

JaJa下星期會上堂, 真係要諗定佢仲有乜野行為要改進.

1. 佢仲要有時咬吓咬吓我地, 雖不嚴重但係都要再教吓.

2. 佢出街仲會搶繩, 雖然有教過利用小食同clicker, 不過我講過我地真係無心向學, 試吓返學前練吓先.

3. 佢為食但係唔會護食唔知有冇問題呢? 我睇過有人話狗仔爭吓野食, 護食係無問題, 仲話哩d係Eric Sir講呀! 真係要問吓Eric Sir咁JaJa肯做吓野先食, 唔似d狗咁惡, 爭野搶野食, 爭到推開其他狗, 惡其他狗同埋想去咬其他狗爭野食.....其實咁樣係咪JaJa先至有問題呢?  我地哩d主人無節制, 成日比野隻狗食, 骨骨都比佢食成個鐘, 唔限時限刻, 其實真係唔識點樣養狗, 攪到隻狗出街都唔識搶野食.咁樣係啱定錯呢?

4. 我又要問吓如果發現有人整親我隻JaJa, 要保護自己隻狗係咪要即時出聲定事後死追究爛追究好呢? 相信亞Sir應該樂意分享主人如何保護狗狗.

好好彩暫時我每日返屋企都無得執屎抺尿, JaJa又唔會可能因為餓而要食poo poo, 我返屋企佢又唔會點吠, 我又唔需要JaJa叻到可以出黎表演, 佢見到其他狗又幾friendly, 又唔會因為爭食而惡其他狗, 咁我仲有乜野要學呢? Oh Yes, 比人話我JaJa肥呀! 問吓亞Sir做乜野exercise可以幫亞JaJa減肥先.費事第時比人撞見笑JaJa食得太多野肥啦! 可能食少d零食可以長命d, 發育中o既JaJa個身又可能細d, JaJa家陣無份做Tiny Toy, Toy都抆水呀! 都係父母之過呀!

最後一堂啦! 其實我都想比JaJa日托玩吓, 但係過九龍太遠, 又可能會撞見惡狗搶撞推, 都係叫JaJa乖乖地留響屋企看吓屋啦! JaJa, 比心機上埋最後一堂呀!