你係要公開, 就唔好響我度玩私人回應啦!

其實你咁唔順氣, 一早響我度就唔好玩私人回應啦! 奇怪的人呀! 我唔想同你嘈, 我JaJa只係一隻草根的狗, 唔想同D千金小姐嘈, 亦唔想比D千金小姐惡到囉! 你其實係嬲我響個Blog話你隻狗惡啫! 但係又真係惡喎! 當然哩d可能係家教啦! 我JaJa比狗兇無所謂喎! 佢成日都煩到比狗兇啦! 又唔見JaJa同人地其他狗見到野食要去搶?佢地都識sit吓等吓啦! 你隻Sofu未食過零食定少食所以咁緊張呀?你隻狗真係比個細路特登整, 你當時唔出聲? 係真唔係呀? 我唔認為個細路係特登囉!不過你咁鍾意響你個blog鬧完人又delete, 我唯有copy吓響度比自己學吓點鬧人無理取鬧啦! 最後我都係認為隻Sofu係惡囉! 我都好惡, 係惡女人黎架! 你鍾意咪唱通街, 比埋我老d舊同事, 即你現任同事知又如何? 起碼我光明正大唔會鬧完人又delete呀!驚返學比個職員知你話佢呀? 你慢慢氣飽佢啦!

SorFu 比人屈, 媽媽好唔開心

網誌分類：SorFu 日誌 |

網誌日期：2009-06-16 16:59

SorFu 比人屈, Doreme MaMa 一肚氣

上星期六, 我地去DogarXX 買o野, 同埋我地順便等蚊蚊, 因為佢想買牛肝, 跟住比我地撞到我舊同事同佢一班朋友仔, 我舊同事o個隻都係 poodle, 我想請Snack 比佢隻poodle 食, 點知比Sorfu 睇到, SorFu 就兇o左我舊同事隻狗一聲, SorFu唔想比佢食, 去到呢度, 大家都會覺得好正常, 因為好多時狗仔都會係咁, 我做錯的可能係我無比自己隻狗狗食先

我同事個老婆, 一抱梳乎就話佢瘦, 又話叫我地比佢食多Do野, 因為佢o個隻都幾肥 我同我老公都唔會理, 因為我地都知,  poodle 本身都唔會/ 同唔應該太多肉, 我雖然都會買Snack 比梳乎食, 不過我會等佢乖先獎佢, 因為我想佢健康

跟住, 佢地一班狗狗同阿Sir 玩, 阿Sir 比佢地入去個圍欄到, 我同事佢太錫狗狗, 不停餵佢地食snack, SorFu 一有o野食, 就會"e"o下牙仔, 比個勢出來趕其他狗狗, Eric 阿Sir 之前都有同我講過梳乎會咁樣, Eric 仲話, 梳乎眼中只有食, hahahaha, 不過佢話, SorFu 唔係惡, 唔算有問題, 我成日仲好緊張, 叫阿Sir幫我教好SorFu

講o左咁耐, 到戲玉........................

當日, 有一個小朋友, 佢開頭不停在圍欄外餵佢地食snack, 我同老公一直望住, 起初係無事的, 後來, 個小朋友餵餅餅, 佢開始整到有少少餅碎落梳乎個頭到, 咁我地都無出聲, 因為少少o野, 無問題, 點知, 佢後來可能覺得玩餅碎好得意, 我親眼睇住佢將餅碎掃晒去SorFu 個頭同眼度, 係連眼入面都有, 我想問, 有無人正正經經餵狗狗會整到佢地成頭成身都係雪花似的餅碎呢????????? 我老公黑晒面, 因為佢知o個個小朋友係我同事朋友個仔, 所以佢無出聲, 不過呢個時候, 阿Sir 都見到唔對路, 佢抱起SorFu, 仲叫D staff 幫SorFu 抹乾淨個身, 阿Sir 都即埸幫SorFu 睇o下隻眼有無事, 跟住Doreme 爸爸就決定要走, 因為連個staff 都同我講, 玩到餅碎入晒眼

我老公一直都好唔開心, 有時我覺得小朋友貪玩, 我地只可以自己保護佢地, 有時怪人都無用, 點知, 我o係我同事個老婆個Blog 到見到佢話梳乎搶o野食, 同惡惡, 其實Blog 係一個公開的地方, 佢講咩, 只要唔影響我, 我真係無興趣理, 我留o左message 比佢:

****************************************************************

Doreme Ma Ma Message:

係呀, 我返屋企比爸爸鬧, 佢話我食到成個頭成個身都係餅碎, 連眼入面都有呀, o個日個餵餅哥哥係唔係玩o野呀

(因為我同我舊同事平時都係咁講o野, 其實我係想同佢講返件事, 唔係遣責佢, 不過我引來我同事老婆超賤的回覆)

****************************************************************

無理惡女人message:

邊個餵餅哥哥呀? 小朋友食野梗污嘈啦! 唔會有人特登玩野, take it easy. 不過你真係要教吓Sofu唔好咁惡同搶野食啦! 佢係咪平時食唔飽同太少士叻獎佢呀? 佢咁為食, 其實好易教架! 惡得劑唔好架!

睇完呢段尖酸刻薄的reply, 真係一肚氣, 佢講到我地無飽飯比SorFu 食, 同埋無家教囉!!! x#$%#$^&^xy!!!!! 因為我唔想佢抵毀我梳乎, 所以我再reply 佢

****************************************************************

Doreme Ma Ma Message:

·                                 我唔知如果JXJX 出去玩, 比D細路整碎晒D餅, 專登整到入晒眼紅晒, 你會唔會Take it easy, 我唔係第一日養狗, 我知邊D係惡, 邊D唔係惡! 可能我真係唔會成日比snack 佢, 因為poodle 係唔可以太重, 佢地好易關節有問題, 呢D係佢地個種的特徵, 人人養狗方法都唔同, 有D人比燒味飯隻狗食, 佢隻狗都會無事, 會好開心tim, 不過我唔會咁做, 同埋, Sorry, SorFu 係puppy, 搶o野食係天性, 呢個behavior 叫 food guardiance, 好多狗都會有, 我同Eric都留意到佢呢個問題, 所以我一直都唔會比咁多snack 佢, 我唔想咁直接, 不過你朋友個仔, o個日真係好過份, Eric 都抱起梳乎, 如果VinXXXX 唔係我朋友, 我一定唔會比面, 叫停個靚仔, 我已經take it easy, 自己走先!!!!!!!!!

****************************************************************

超級惡人的回覆:

咁我直接d, 個細路係我地兩公婆o既朋友, 無分係我或VinXXXX 的, 多謝你咁比面我老公喎! 如果你意思係話我朋友個仔得罪你隻千金狗, 當時你唔即時叫停佢? 況且哩個細路點樣對狗, 見過o既人都知道. o既然你知你隻狗都有問題, 搶野食搶到咁惡, 咁你要好好同Eric Sir傾點樣去管教佢啦! 我地哩d人唔識養狗亦無心去學, 真係任佢食得開開心心架!

*****************************************************************

我唔明佢點解係都要話我梳乎搶o野食同惡, 梳乎又唔會咬狗, 又唔會咬人, 你話佢搶, 那天其他狗都一樣有食到snack, 點解要咁樣話佢, 係唔係因為我梳乎吠過佢隻狗一聲就要咁樣o係Blog 到話佢死呢, SorFu 得5個月大, 點解要咁樣, 其實我已經唔怪個小朋友, 因為好少事, 反而我真係覺得呢個女人好鬼惡, 惡過我梳乎十萬倍, 希望以後都唔會撞到佢, 我唔明, 事發時佢唔在場, 點解要死撐難撐話無人專登玩餅碎呢, 佢當時出o左去入錶, 我相信, 個小朋友的家長如果見到o個日情況, 佢一樣會叫停佢個仔, 因為將心比己, 大家都係養狗狗, 唔會話咩千唔千金狗, 呢個世界, 真係太多唔講道理的惡人, 講o野好尖酸刻薄, 我真係第一次見識到呢D養狗養到咁惡的人