打瘋狗針

今日完成埋2009 compulsory 打針行動

JaJa一入診所, 個身硬咗!

再上檯, 更硬! 打瘋狗針時, 出口, 大叫.........唯有用口罩........攪到 Dr. Chan 以為我地太鍚佢, 攪到佢嬌生慣養......其實佢響屋企出口, 我地係即時開拖......佢太自我保護, 少少事都發到大大咁! 睇黎又多一樣行為問題要請教呀! 我地都明白地位問題, 所以JaJa從來無得同我地同床瞓, 唔會抱住坐梳化, 佢上梳化我地都抱番佢落地. 佢做錯當然會鬧會罰, 不過佢好自由, 可以週屋走, 佢又無亂去廁所同亂咬野, 唔通咁都要放佢入籠咩! 佢見其他人同狗又好friendly咁喎! 不過開始大個, 性格出嚟啦! 每隻狗都有自己o既性格, 爸爸都成日學人話狗生得一個十年多少少, 當然要開開心心啦! 我地個底線真係好低, 最緊要大家happy嘛! 或者我地要再向其他方面埋手, 令佢唔好太自我個性同埋少d戒心啦!

完成打針當然係要問吓desex, Dr. Chan都好詳盡解釋狗仔同狗女點解要desex, 睇黎佢唔多主張狗仔要desex, 我地都要再search吓去邊度做好嘞!