Bangkok 有好多地方有狗狗野賣, 價錢當然平過香港啦! 
大大間百貨公司, 又有退稅, 當然行得最開心啦! 雖然價錢一定貴過夜市或翟度翟, 但係當你想行得舒服又或者無乜時間, 黎哩度啦!
有間Grooming, 你睇佢地瞓得幾豪!
我響樹都買唔少野, 因為size較齊.
Pet Mall at Siam Paragon Gourmet Market-哩度喺超市入面, 又係幾多野買, 不過唔夠Zen多, 其實Emporium個超市入面都有Pet Mall (同一集團嘛!) 不過規模再細d, 再少d野賣.
Suan Lum Night Bazzar Pets Zone-如果搭MRT去, 需要行到死死吓先可以由Zone A去到Zone D.
有幾間鋪, 兩三間大d. 雜貨鋪形式, 價錢同百貨公司一樣或平少少但貴過翟度翟. 唔去翟度翟可以黎哩度買Frontline Plus (THB600 for small dog) 同埋 Heartgard (THB430 for small dog). 我買唔多講唔到價. 但記住要格價, 真係隔離鋪都差成 THB100 盒架!
Puppy Love at Sukhumvit Soi 24-響 Emporium隔離街, 街頭行到街尾咁劑, Bangkok o既街有幾長, 自己去試吓啦! 我就行咗成十幾分鐘. 其實d貨同百貨公司差唔多, 衫又差唔多, size又唔齊, 可以唔去. 哩度仲有一兩隻狗賣tim!
Central Chitlom停車場有間Prima Dog, 獨立屋仔, 地點真奇怪! 唔知點去可以搭 BTS 時望吓位置又或者去到 Central問Information啦! 入面有埋Bakery同埋Grooming. 百貨公司價錢, 叫做多一間行吓囉!
哩個格局一睇就知係翟度翟啦! 開星期六同日咋! Pet Zone響Section 11入面開始行啦! 好多鋪, 好多野賣, 乜都有.
我好早去, 鋪都未開齊, 仲有好多狗狗被運送到鋪頭賣. 連husky,伯恩山哩d都有架!睇吓哩批金毛幾咁肥美! 嗰度唔臭喎! 起碼我聞唔到黑店街鋪頭嗰d臭味.
最衰我唔係太多時間行, 好多鋪頭未開啦! 唔係買太多野咋! 下次要搵full day 行呀! 嗰度d藥比起其他地方又再平少少, 又係嗰句, 要格價同講價呀!
好奇怪一樣野, Bangkok機場有 Pet Shop, 仲左一間右一間, 入邊面gate都有得行. 有時間咪兩間都行囉! d衫有d出面見唔到架! 上機前仲可以最後衝刺再買幾過癮架!
攪錯丫! 新開架喎機場間野....
回覆刪除咩價位丫??間野好似好貴咁wo
[版主回覆09/08/2009 14:09:00]我都唔知佢幾時開架! 以前無養狗唔睇架嘛! 價位同百貨公司一樣, 無特別貴喎! d屋仔都係差唔多價錢架!
估唔到BKK 都有咁多寵物野賣...早知我就去BKK唔去大阪啦...D日元真係貴到死...
回覆刪除等我睇下下個月有無機會搵兩日去BKK跟你個 list去掃貨先....
[版主回覆09/10/2009 15:09:00]bkk 真係好多野買架! 日本就靚不過好貴呀!
豆沙包: 哇,JaJa你就好啦,你媽媽去到甘遠都掛住買野比你,等我都听我媽媽下次去記得行PET SHOP先
回覆刪除[版主回覆09/10/2009 15:19:00]豆沙包, 你叫MaMa去邊都買野比你, 屋企樓下有都唔好放過嗰隻, 總之買多d買多d
JaJa 媽, 其實我覺得你嘅收穫多啲傘!!!
回覆刪除[版主回覆09/25/2009 17:08:00]我無呀! 大部份買比JaJa, 我d收獲食晒入肚呀!
真羨慕，我養左多JELLY之後都未去過泰國呀，下次去我一定大出血先啦...
回覆刪除[版主回覆09/25/2009 17:09:00]咁快d去玩啦! 起碼你屋企有人看住佢地嘛!
又好掛住bkk .....
回覆刪除[版主回覆09/25/2009 17:10:00]我有睇你個blog, 你都係去完無耐喎!
不過BKK係一撻個個月去都ok o既地方吖!