JaJa 2009 回顧

2009年最後一晚, 等我回顧吓2009年我做過D乜先!

Jan-我22號黎到哩個世界, 唔好查我身細, 我乜都唔知呀!

Feb-無資料, 可能仲響生母身邊???

Mar-邂逅爸爸媽媽, 我有人要啦!

Apr-返屋企啦! 開始過我皇帝生活啦!

May-第一次落地去行街街, 仲開始返學tim!

Jun-我開始甩牙仔呀!

Jul-過咗兩個星期反叛期, 所有規律亂晒! 仲肚疴病咗, 住過醫院一晚, 嚇死爸爸媽媽呀!

Aug-第一次游水水, OK啦! 下年再游過...

Sep-第一次媽媽離開我幾日, 攪到我好down呀! 仲有係我哩個月做公公, 痛到我郁都唔敢郁呀!

Oct-咪閉關成個幾禮拜囉!

Nov-爸爸媽媽離開我成個幾禮拜, 我去咗住酒店, 又幾好玩喎!

Dec- Merry Christmas & Happy New Year! 哩個月爸爸媽媽成日放假同我玩, 好多節目咁啦!

媽媽話:JaJa響屋企住咗成八九個月, 其實佢都OK啦! 佢唔會大吠, 又唔會亂咬野, 仲唔會亂去廁所, 為食就must啦! JaJa唔係識好多指令, 不過唔緊要, 我地要求唔高, 底線好低, 最緊要佢開心健康. 唯一JaJa最唔好係唔鍾意梳毛, 由細到大都唔鍾意, 哩樣野仲未知點攪, 唯有keep住日日同佢鬥. 爺爺女麻女麻婆婆最鍚佢, 剩係有興趣問JaJa點點點, JaJa家陣地位最高架!

點都好, 我地多謝JaJa帶比我地歡樂, JaJa你一定會keep住燶, 比我地日日鍚到燶呀!

JaJa我地等陣一齊倒數, 開開心心健健康康過2010呀!