媽媽放工返到屋企, O 咗!
JaJa: 媽媽, 我擺晒尾響門口迎接你, 做乜你呆咗呀?
媽媽: JaJa, 點解你唔響走廊? 你點走出黎? 你點逃架? 你唔係跳出黎卦! 手仔腳仔有冇事?
JaJa:
案發現場包括 poo poo 塗鴉, v v 一大篤, KO媽媽拖鞋, 一條條稻草散遍地下, 但係個閘係原封不動喎!
JaJa: 媽媽, no big deal! 你聞吓我, 我無周圍踩呀! 我個身無臭臭架!
好彩其他野無事喎! 電線都無咬過喎! 最後發現應該係個茶箕唔夠重, 頂唔住度閘, JaJa 推吓推吓出咗黎, 但係入唔返去, 所以唯有響廳亂嚟! 其實佢應該好後悔入唔返去, 因為無床瞓, 零食波波響走廊, 又無水飲, 仲去唔到廁所, 剩係得拖鞋玩.
JaJa 返黎咁耐, 媽媽第一次清得咁辛苦呀!
之後我地懷疑, JaJa 應該係瞓響爸爸個球袋上面, 因為佢夜晚自己好熟咁跳上去瞓, 仲好舒服咁!
沒有留言:
張貼留言