JaJa睇醫生呀!

JaJa上半身同埋耳邊都有D好似頭皮的東西, 成日抓痕, 加上佢疴軟poo poo, 爸爸驚佢有事, 所以為穩陣, 爸爸即刻search夜晚邊度有vet開, 香港區無, 九龍新界都OK, 最緊要有得睇.最後search到北角Pet Central 8點幾都診症, 即時入袋去睇醫生呀!

JaJa比醫生check時好乖乖呀! 醫生話佢基本上無問題, 只係瘦D, 軟poo poo可能只係轉Barf唔適應, 至於皮膚, 因怕係皮膚疥癬, 所以要打針, 仲要一個星期打一次, 連打4星期呀! JaJa打針時都無反抗, 爸爸媽媽即時個心都定D.

JaJa去程因為響袋入邊, 可能暈車浪嘔呀! 所以回程同媽媽坐後座做乘客, 爸爸做司機. JaJa周圍望好好奇, 一路望風景, 返屋企乜事都無呀!

雖然Doctor話佢食糧好D, 但佢都無特別反對Barf. 所以都係食Dr.B, 希望係適應期, 好快有靚poo poo啦!

JaJa你真係要身體健康呀!