JaJa 三個月大係點?

JaJa 響Apr 22已經3個月大, 返咗屋企都有3個week, 佢好快已經識去廁所, 因為每次去啱都有野食. 攪到佢家陣有時想食野, 就咇小小響廁所再搵我地攞野食, 佢為食程度係接近爆燈呀! 不過佢疴啱, 我地一定獎佢架! 仲有我地一搖個食物盒, 佢即到. 睇下佢等食個樣幾咁乖.

JaJa 成日喺個走廊閘位瞓, 因為哩個位可以望到成間屋, 不過佢又不受音量影響, 我地開到個電視大一大聲, 佢都照瞓可也.

有一晚JaJa唔見咗, 媽媽搵勻全屋都搵唔到, 原來JaJa坐咗響個垃圾鏟上面, 因為有野隔住, 所以媽媽響門口見唔到佢呀! 望落去又幾啱位喎! 好彩媽媽一早已洗好垃圾鏟加上近排無用過, 唔係JaJa就成身塵啦!

JaJa蝦媽媽, 唔比媽媽梳毛, 又唔比攪面同耳仔, 次次都要比野食先勉強整到. 好難得梳到哩個樣架!

自從天氣熱, JaJa多咗伸脷, 就當佢係笑緊啦!