討厭呀!

今日有得出街街, 坐響車車度有好多野睇, 本來好開心嘛! 去到一間唔知乜地方, 放咗我上枱, 之後有人猛咁攪我耳仔呀! 個惡姐姐攪我耳仔, 又捉住我, 又抆我耳仔毛, 唔鍾意呀! 我已經出盡全力猛咁叫呀! 爸爸媽媽又唔理, 唔開心呀! 之後仲打針呀! 做乜喎! 人地咁乖, 做乜咁樣整我喎!

媽媽: JaJa今日打第二支針, 順便check吓, 醫生檢查咗佢耳仔同個身, 話頭皮只不過係普通野, 開咗洗耳仔藥, 姐姐又教咗點樣捉住佢同埋點樣抆耳仔毛, 雖然佢好淒厲咁叫, 但係唔理呀! 我諗佢唔慣多過痛囉! 佢要慣, 媽媽以後都要學識狠心幫佢整架! 唔係吓吓野出去整咩!