JaJa 2nd day @ home

JaJa第一晚好乖呀! 嘈都無嘈過呀! 可能佢真係太攰, 睇怕佢咁大個仔, 第一次落地玩到咁顛呀! 佢十點幾已經頂唔順, 瞓吓醒吓咁, 連媽媽做家務走嚟走去都唔理呀! 結果我地成三點先瞓, 相信佢都係哩個時候先可以熟睡.

我第二朝十點起身睇吓佢 (好耐未試過星期日咁早醒), 佢乖乖的坐響籠, 我入廁所都無跟住 (唔通佢都未瞓醒?) 當然佢都係響地板 V 啦! 但係我地響籠另一邊地板鋪滿毛巾佢就無失手. 

早餐佢食咗40g Dr.B, 因為今日會食三餐, 所以全日有 120g. 之後佢苛第一篤係90%硬, 條狀, OK啦! 但係隔一陣第二篤係軟poo poo呀! 但係佢無其他野, 咁我隔咗6個鐘再喂第二餐, 佢隔好耐先poo, 都仲係軟呀! 我會今晚睇吓點樣再決定. 如果佢只係初時腸胃唔適應就OK, 最怕係有其他問題呀! 仲有我發現JaJa好似有D一點點好似頭皮的東西, 但好細, 不過皮膚又無紅喎! 如果聽日發現更多, 咁就要睇醫生啦!

JaJa今日特別痴人呀! 當我唔理佢, 佢就走埋老公度. 唔知係咪第一日太過興奮玩到顛, 今日對比佢靜咗呀!

而家黃昏時間, 已經係JaJa第三次小睡啦!